Ayon sa BAlitang Ahensya ng Ahlul-Bayt (ABNA24) — Tiniyak ng Department of Foreign Affairs (DFA) ngayong Biyernes na walang Pilipino ang nadamay o nasaktan sa insidente sa Times Square sa New York City sa Amerika.
Nanggaling ang impormasyon ng DFA sa Konsuladong sa New York kung saan patuloy ang kanilang pakikipag-ugnayan sa mga awtoridad ng lungsod.
"Our Consulate General is closely coordinating with New York authorities and is ready to provide consular assistance to affected Filipinos should it be needed," pahayag ng kagawaran.
Isang teenager ang nasawi, habang 22 ang sugatan matapos ibangga ng 26-anyos na beteranong hukbong-dagat na ang kaniyang sasakyan sa bangketa ng Times Square.
Kinilala ang beteranong hukbong-dagat na si Richad Rojas na kaagad namang naaresto.
Sinabi ng mga awtoridad sa New York na nagdahilan daw si Rojas na may naririnig umanong mga boses.
Na-discharged sa serbisyo ang suspek noong 2014.
20 Mayo 2017 - 14:33
News ID: 830810
Tiniyak ng Department of Foreign Affairs (DFA) ngayong Biyernes na walang Pilipino ang nadamay o nasaktan sa insidente sa Times Square sa New York City sa Amerika.